Nizami rayonunda Novruz bayramı münasibətilə mini futbol idman növü üzrə rayon turniri keçirilib
13-14 mart 2019-cu il tarixlərində 61 nömrəli tam orta məktəbin idman meydançasında Novruz bayramı münasibətilə mini futbol üzrə rayon turniri keçirilib.
Turnirdə ümumilikdə 96 iştirakçı olmaqla 8 komanda olimpiya sistemi üzrə yarışıb. Gərgin və maraqlı keçən idman mübarizəsində 1-ci yeri 61 nömrəli tam orta məktəb, 2-ci yeri 220 nömrəli məktəb-lisey və 3-cü yeri 201 nömrəli tam orta məktəbin komandaları tutublar.
Turnir başa çatdıqdan sonra təntənəli bağlanış mərasimi olub.
Mərasimdə çıxış edən 61 nömrəli tam orta məktəbin direktoru Zemfira Şıxəliyeva və Nizami Rayon Gənclər və İdman İdarəsinin rəis müavini Vasif İsayev yarış iştirakçılarını və tamaşaçıları qarşıdan gələn Novruz bayramı münasibətilə təbrik edərək, onlara ürək sözlərini çatdırıblar.
Sonda qalib komandalara Nizami Rayon Gənclər və İdman İdarəsi tərəfindən diplom və medallar təqdim edilib.
