Antiterror tədbirləri zamanı yaralanan polis serjantı Cavid Talıbov evində ziyarət edilib
20 sentyabr 2024-cü il tarixində Rayon İcra Hakimiyyətinin başçısı Coşqun Cəbrayılov, Rayon Polis İdarəsinin rəisi, polis polkovniki Ziya Əliyev, RİHBA-nın məsul əməkdaşları 19-20 sentyabr 2023-cü il tarixində Azərbaycan Respublikasının Silahlı Qüvvələri tərəfindən Qarabağ bölgəsində həyata keçirilmiş uğurlu lokal antiterror tədbirləri zamanı yaralanan Azərbaycan Respublikası Daxili İşlər Nazirliyinin Çevik Polis Alayının əməkdaşı, polis serjantı Talıbov Cavid Canpolad oğlunu ziyarət ediblər.
Ziyarət zamani Müzəffər Ali Baş Komandan İlham Əliyevin rəhbərliyi ilə düşmən üzərində qazanılan şanlı qələbədən, terrorçulara qarşı aparılan hərbi əməliyyatlardan, döyüşlərdə iştirak edən əsgər və zabitlərimizin qəhrəmanlığından danışıblar. Dövlət tərəfindən şəhid ailələrinə və qazilərə göstərilən diqqət və qayğıdan bəhs edib, Cavid Talıbovun səhhəti, gündəlik qayğı və problemləri ilə maraqlanıblar.
Cavid Talıbov söhbət zamanı öz təəssüratlarını bölüşüb, göstərilən diqqət və qayğıya görə ölkə Prezidenti İlham Əliyevə və Birinci vitse-prezident Mehriban xanım Əliyevaya minnətdarlığını bildirib.
