Şəhid Teymur Qaraisayevin məzarı ziyarət edilib
30 noyabr 2024-cü il tarixində II Şəhidlər Xiyabanında şəhid Teymur Qaraisayevin məzarı ziyarət edilib.
Anım mərasimində şəhidin qohumları, Nizami Rayon İcra Hakimiyyətinin başçısı Coşqun Cəbrayılov, RİHBA-nın əməkdaşları, YAP Nizami rayon təşkilatının sədr müavini Rəşadət Xalıqov və ictimaiyyət nümayəndələri iştirak ediblər.
Şəhidin xatirəsi ehtiramla yad edilib, ruhuna dualar oxunub.
Qeyd edək ki, Qaraisayev Teymur Ənvər oğlu 2021-ci il noyabrın 30-da Dövlət Sərhəd Xidmətinin hərbi helikopteri Xızı rayonu ərazisində yerləşən "Qaraheybət" aviasiya poliqonunda təlim uçuşları yerinə yetirərkən baş verən qəzada həlak olmuşdur.
Azərbaycan Respublikasının dövlət sərhədinin mühafizəsinin təmin edilməsində, ərazi bütövlüyünün qorunub saxlanılmasında və sərhəd mühafizə orqanları qarşısında qoyulmuş tapşırıqları yerinə yetirərkən fərqləndiyinə görə Azərbaycan Respublikası Prezidentinin 17.08.2022-ci il tarixli Sərəncamına əsasən Teymur Qaraisayev ölümündən sonra “Vətən uğrunda” medalı ilə təltif edilmişdir.
