Vətən müharibəsi şəhidi Vüqar Cəfərovun ildönümü ilə əlaqədar məzarı ziyarət edilib
05 oktyabr 2023-cü il tarixində II Fəxri Xiyabanda Vətən müharibəsi şəhidi Azərbaycan Respublikasının Daxili İşlər Nazirliyinin Daxili Qoşunlarının baş çavuşu olmuş Cəfərov Vüqar İnşallah oğlunun məzarı ziyarət edilib.
Anım mərasimində şəhidin ailə üzvləri, döyüş yoldaşları, Nizami Rayon İcra Hakimiyyəti başçısı Çoşqun Cəbraıyov, YAP Nizami rayon təşkilatının sədri Ramil Vəlibəyov, RİHBA-nın məsul əməkdaşları, hüquq-mühafizə orqanlarının rəhbərləri, iştirak ediblər.
Şəhidin məzarı önündə xatirəsi ehtiramla yad edilib, ruhuna dualar oxunub.
Eyni zamanda, Vətən müharibəsi şəhidi Vüqar İnşallah oğlu Cəfərovun yaşamış olduğu binanın önündə də əziz xatirəsi ehtiramla anılıb.
Qeyd edək ki, Azərbaycan Respublikasının Daxili İşlər Nazirliyinin Daxili Qoşunlarının baş çavuşu olan Vüqar Cəfərov 5 oktyabr 2020-ci il tarixində Cəbrayıl istiqamətində gedən döyüşlərdə qəhrəmancasına şəhid olub. Prezident İlham Əliyevin müvafiq sərəncamlarına əsasən ölümündən sonra "Vətən uğrunda", "Cəbrayılın azad olunmasına görə" və "Kəlbəcərin azad olunmasına görə" medalları ilə təltif edilib.
