Vətən müharibəsi şəhidləri leytenant Kənan Süleymanlı, leytenant Teymur Məcidzadə və Əsəd Əsədlinin məzarları ziyarət edilib
09 noyabr 2024-cü il tarixində II Fəxri Xiyabanda Vətən müharibəsi şəhidləri leytenant Süleymanlı Kənan Sadıx oğlu, leytenant Məcidzadə Teymur Tehran oğlu və Əsədli Əsəd Mahir oğlunun məzarları ziyarət edilib.
Anım mərasimində şəhidlərin qohumları, Nizami Rayon İcra Hakimiyyətinin başçısı Coşqun Cəbrayılov, RİHBA-nın məsul əməkdaşları, YAP Nizami rayon təşkilatının sədri Ramil Vəlibəyov, Nizami bələdiyyəsinin sədri Vüqar Quliyev, Keşlə bələdiyyəsinin sədri Ələmdar Bafadarov və ictimaiyyət nümayəndələri iştirak ediblər.
Şəhidlərin xatirələri ehtiramla yad edilib, ruhlarına dualar oxunub.
Qeyd edək ki, Kənan Süleymanlı 09 noyabr 2020-ci il tarixində Xocavənd istiqamətində gedən döyüşlərdə şəhid olub. Prezident İlham Əliyevin müvafiq sərəncamlarına əsasən ölümündən sonra 3-cü dərəcəli “Rəşadət” ordeni, "Vətən uğrunda", "Döyüşdə fərqlənməyə görə", "Xocavəndin azad olunmasına görə" və “Füzulinin azad olunmasına görə” medalları ilə təltif edilib.
Teymur Məcidzadə 09 noyabr 2020-ci il tarixində Şuşa döyüşlərində şəhid olub. Prezident İlham Əliyevin müvafiq sərəncamlarına əsasən ölümündən sonra 3-cü dərəcəli “Rəşadət” ordeni, "Vətən uğrunda", "Hərbi xidmətlərə görə", "Cəbrayılın azad olunmasına görə", “Füzulinin azad olunmasına görə” və "Şuşanın azad olunmasına görə" medalları ilə təltif edilib.
Əsəd Əsədli 09 noyabr 2020-ci il tarixində Xocəvənd istiqamətində gedən döyüşlərdə şəhid olmuşdur. Prezident İlham Əliyevin müvafiq sərəncamlarına əsasən ölümündən sonra 3-cü dərəcəli “Vətənə xidmətə görə” ordeni, "Vətən uğrunda", “Hərbi xidmətlərə görə”, “Füzulinin azad olunmasına görə”, “Xocəvəndin azad olunmasına görə” və "Cəbrayılın azad olunmasına görə" medalları ilə təltif edilib.
